എട്ടാം ക്ലാസുകാർക്കുള്ള NMMS സ്കോളർഷിപ്പ് പരീക്ഷ: അപേക്ഷ ഒക്ടോബർ 15 വരെ|NMMS SCHOLARSHIP FOR 8th STUDENTS

🎓 കേന്ദ്ര വിദ്യാഭ്യാസ മന്ത്രാലയം നടപ്പിലാക്കി വരുന്ന പദ്ധതിയായ നാഷണൽ മീൻസ് കം മെറിറ്റ് സ്കോളർഷിപ്പിന് (NMMS) അർഹരായ കുട്ടികളെ കണ്ടെത്തുന്ന തിനുള്ള പരീക്ഷയിൽ പങ്കെടുക്കുന്നതിലേക്കായി അപേക്ഷകൾ ക്ഷണിക്കുന്നു. സംസ്ഥാനത്തെ ഗവൺമെൻ്റ്, എയ്‌ഡഡ് സ്കൂ‌ളുകളിൽ 2024-25 അദ്ധ്യയന വർഷം 8-ാം ക്ലാസ്സിൽ പഠിക്കുന്ന കുട്ടികൾക്ക് നാഷണൽ മീൻസ് കം മെറിറ്റ് സ്കോളർഷിപ്പ് (NMMS) പരീക്ഷയിൽ പങ്കെടുക്കുവാൻ അപേക്ഷിക്കാവുന്നതാണ്.പരീക്ഷാഭവന്റെ ഔദ്യോഗിക വെബ്സൈറ്റ് ആയ http://nmmse.kerala.gov.in മുഖേന NMMS പരീക്ഷയ്ക്ക് അപേക്ഷിക്കാവുന്നതാണ്. അപേക്ഷിക്കുന്നതിന് ഫീസില്ല.

🎓 അർഹരാകുന്ന കുട്ടികൾക്ക് 9, 10, 11, 12 എന്നീ ക്ലാസ്സുകളിൽ പ്രതിവർഷം 12,000/- രൂപ സ്കോളർഷിപ്പ് ലഭിക്കുന്നതാണ്.

🎓 അപേക്ഷാ സമർപ്പണം:

• 23/09/2024-മുതൽ അപേക്ഷ സമർപ്പിക്കാവുന്നതാണ്. അവസാന തിയ്യതി 15/10/2024. സ്വന്തമായോ അല്ലെങ്കിൽ സ്‌കൂൾ മുഖാന്തിരമോ അപേക്ഷ സമർപ്പിക്കാവുന്നതാണ്. അപേക്ഷ സമർപ്പിച്ചശേഷം അപേക്ഷയുടെ പ്രിൻ്റൗട്ടും അനുബന്ധ രേഖകളും സ്കൂൾ പ്രഥമാദ്ധ്യാപകന് വെരിഫിക്കേഷനായി സമർപ്പിക്കണം. അപേക്ഷയുടെ ഹാർഡ് കോപ്പി പരീക്ഷാ ഭവനിലേക്ക് അയക്കേണ്ടതില്ല. സ്കൂ‌ളിൽ സമർപ്പിക്കുന്ന അപേക്ഷകളിന്മേൽ സ്‌കൂൾ മേധാവി 25/10/2024 വൈകിട്ട് 5 മണിക്കു മുൻപായി വെരിഫിക്കേഷൻ പൂർത്തീകരിക്കേണ്ടതാണ്. വെരിഫിക്കേഷൻ സമയത്ത് പ്രഥമാദ്ധ്യാപകൻ ബന്ധപ്പെട്ട രേഖകൾ എല്ലാം പരിശോധിച്ച് ശരിയാണെന്ന് ഉറപ്പുവരുത്തേണ്ടതുമാണ്.

🎓 യോഗ്യത സംബന്ധിച്ച നിർദ്ദേശങ്ങൾ:

1. സംസ്ഥാനത്തെ ഗവ./എയ്‌ഡഡ് സ്‌കൂളുകളിൽ 2024-25 അദ്ധ്യയന വർഷം 8-ാം ക്ലാസ്സിൽ പഠിക്കുന്ന കുട്ടികൾക്ക് നാഷണൽ മീൻസ് കം മെറിറ്റ് സ്കോളർഷിപ്പ് (NMMS) പരീക്ഷയിൽ പങ്കെടുക്കുവാൻ അപേക്ഷിക്കാവുന്നതാണ്.

2. സംസ്ഥാന സർക്കാർ നടത്തുന്ന റസിഡൻഷ്യൽ സ്‌കൂളുകൾ, മറ്റ് അംഗീകൃത സ്കൂളുകൾ, കേന്ദ്രീയ വിദ്യാലയം, ജവഹർ നവോദയ വിദ്യാലയം എന്നിവിടങ്ങളിൽ പഠിക്കുന്ന കുട്ടികൾക്ക് പ്രസ്തുത സ്കോളർഷിപ്പിന് അപേക്ഷിക്കാൻ അർഹത ഉണ്ടായിരിക്കുന്നതല്ല.

3. അപേക്ഷിക്കുന്നവർ 2023-24 അദ്ധ്യായന വർഷത്തിൽ 7-ാം ക്ലാസ്സിലെ വാർഷിക പരീക്ഷയിൽ 55% മാർക്കിൽ കുറയാതെ നേടിയിരിക്കണം (എസ്.സി./എസ്.ടി വിദ്യാർത്ഥികൾക്ക് 50% മാർക്ക് മതിയാകും)

4. രക്ഷാകർത്താക്കളുടെ വാർഷിക വരുമാനം മൂന്നര ലക്ഷം രൂപയിൽ നിന്നും അധികരിക്കുവാൻ പാടില്ല.

5. സംസ്ഥാനത്തെ ഗവ/എയ്‌ഡഡ് സ്‌കൂളുകളിൽ പഠിക്കുന്ന കുട്ടികൾക്കാണ് സ്കോളർഷിപ്പിന് അർഹതയുളളത്. NMMS പരീക്ഷയിൽ യോഗ്യത നേടിയ വിദ്യാർത്ഥി തുടർന്നുള്ള ക്ലാസ്സുകളിലും ഗവ./എയ്‌ഡഡ് സ്‌കൂളുകളിൽ പഠിക്കുന്നുണ്ടെങ്കിൽ മാത്രമേ സ്കോളർഷിപ്പ് തുക അനുവദിച്ച് നൽകുകയുളളൂ. 

6. നിലവിൽ മൂല്യ നിർണ്ണയം ഗ്രേഡ് അടിസ്ഥാനത്തിൽ ആയതിനാൽ ആയത് ശതമാനത്തിലേക്ക് മാറ്റേണ്ടതാണ്.

🎓അപേക്ഷിക്കുന്നതിന് ആവശ്യമായ രേഖകൾ:

1. വില്ലേജ് ഓഫീസിൽ നിന്നും ലഭിക്കുന്ന മൂന്നര ലക്ഷം രൂപയിൽ അധികരിക്കാത്തതും നിശ്ചിത കാലാവധി കഴിയാത്തതുമായ വരുമാന സർട്ടിഫിക്കറ്റ്. പ്രസ്തുത സർട്ടിഫിക്കറ്റ് pdf ഫോർമാറ്റിൽ 100 kb-യ്ക്ക് താഴെ സൈസ് ഫയലായി അപ്‌പ്ലോഡ് ചെയ്യണം.

2. ജാതി തെളിയിക്കുന്ന സർട്ടിഫിക്കറ്റ് (എസ്.സി./എസ്.ടി. വിഭാഗങ്ങളിലെ കുട്ടികൾക്ക് മാത്രം). സർട്ടിഫിക്കറ്റ് അപ്‌പ്ലോഡ് ചെയ്യണം.

3. 40% -ത്തിൽ കുറയാതെ ഭിന്നശേഷിയുള്ള കുട്ടികൾക്കു മാത്രമേ പ്രസ്തുത വിഭാഗത്തിൽ (Persons with Disability) അപേക്ഷിക്കുവാൻ കഴിയൂ. ആയത് തെളിയിക്കുന്നതിനായി മെഡിക്കൽ ബോർഡിൻ്റെ അംഗീകൃത സർട്ടിഫിക്കറ്റ് നിർബന്ധമാണ്. അല്ലാത്തപക്ഷം പ്രസ്‌തുത അപേക്ഷകൾ പരിഗണിക്കുന്നതല്ല. ഇത്തരം അപേക്ഷകർ സർട്ടിഫിക്കറ്റ് അപ്‌പ്ലോഡ് ചെയ്യണം. മെഡിക്കൽ ബോർഡ്

4. ആറ് മാസത്തിനുള്ളിൽ എടുത്ത പാസ്പോർട്ട് സൈസ് ഫോട്ടോ(അപ്ലോഡ് ചെയ്യുന്നതിന്). ഫോട്ടോ 150 × 200 pixel, 20 kb മുതൽ 30 kb വരെ വലിപ്പമുളളതുമായ jpg/jpeg ഫോർമാറ്റിലുളളതായിരിക്കണം.

👉 പരീക്ഷയുമായി ബന്ധപ്പെട്ട വിശദമായ വിവരങ്ങൾ അറിയാൻ നൽകിയിരിക്കുന്ന ലിങ്കിൽ ക്ലിക്ക് ചെയ്യുക: NOTIFICATION LINK🔗